TEAMtalk нашрининг ёзишича, инглиз клуби вакили 20 ёшли бразилиялик футболчининг эҳтимолий трансферини муҳокама қилиш учун Португалияга жўнаб кетди. Гомесга, шунингдек, «Атлетико», «Арсенал», «Ньюкасл» ва «Рома» клублари ҳам кўз тикмоқда.

Ўтган мавсумда Гомес «Порту»нинг асосий ўйинчиларидан бирига айланди. У жамоага 2022 йилдан буён биринчи чемпионликни қўлга киритишда ёрдам берди ва барча турнирларда 46 та учрашувда иштирок этиб, ўз ҳисобига 13 та гол ҳамда иккита голли узатмани ёзиб қўйди.

Хабар қилинишича, бир нечта Европа клублари вакиллари футболчининг ҳолати билан яқиндан танишиш учун Португалиянинг шимолига ташриф буюришган. Бироқ ҳозирча расмий таклифлар келиб тушмаган.

«Порту» ўз ёш етакчиси билан хайрлашиш ниятида эмас ва футболчининг шартномасида кўрсатилган товон пулининг тўлиқ суммасини олмоқчи. Ушбу маблағ 80 миллион еврони ташкил этади.