Формула-1 бўйича етти карра жаҳон чемпиони Льюис Хэмилтон Чемпионлар лигаси финал учрашуви олдидан «Арсенал» футболчиларига далда берувчи сўзлар билан мурожаат қилди. Лондонликлар бугун, 30 май куни Будапештдаги «Пушкаш Арена»да «ПСЖ»га қарши майдонга тушишади.
«Бу менинг жамоам — «Арсенал» учун. Сизлар билан жуда фахрланаман, йигитлар. Қилаётган барча ишларингиз учун катта раҳмат. Фақат олдинга интилинг ва ўзингизга ишонишда давом этинг. Мен сизлар биланман ва бу финални албатта томоша қиламан. Шундай экан, шунчаки майдонга тушинг ва ўйиндан завқ олинг. Сизлар аллақачон энг зўрисизлар», — деди Хэмилтон клубнинг ижтимоий тармоқлардаги саҳифаси учун йўллаган видеомурожаатида.
Аввалроқ «Арсенал» «Манчестер Сити»ни ортда қолдириб, муддатидан олдин Англия Премьер-лигаси чемпионига айланган эди.
Учрашув Тошкент вақти билан соат 21:00 да бошланади.
