Португалиялик ярим ҳимоячи Бернарду Силванинг «Барселона»га ўтиши борасида клуб унинг вакиллари билан келишувга эришди, бироқ якуний қарор бош мураббий Ханси Фликнинг ихтиёрида қолмоқда. Бу ҳақда Tot Costa нашри хабар бермоқда.
Бернарду каталонияликлар сафига қўшилишни жуда хоҳламоқда ва трансфер амалга ошишини осонлаштириш учун маошининг сезиларли даражада камайишига ҳам рози бўлган. Унинг агенти Жорже Мендеш футболчининг «Барселона»да ўйнаш иштиёқини аллақачон тасдиқлаган. Шунга қарамай, клуб таркибни режалаштиришни якуний баҳолаш учун бироз вақт сўраган.
Аввалроқ бошқа манбалар Флик бу трансферни қўллаб-қувватлаётгани ва охирги сўз Силванинг вакилларида қолганини даъво қилишган эди. «Манчестер Сити» билан шартномаси тугаб, эркин агентга айланадиган 31 ёшли футболчининг келажаги яқин соатлар ичида ҳал бўлиши кутилмоқда.
