«Интер» вице-президенти Хавьер Дзанетти Кристиан Кивунинг мураббийлик фаолиятига юқори баҳо берди.

Миланнинг «Интер» клуби Кристиан Киву қўл остидаги илк мавсумидаёқ А Серия ва Италия Кубоги ғолибига айланди. Руминиялик мутахассис бир йил аввал жамоани тарк этган Симоне Индзагининг ўрнини эгаллаган эди. Гарчи жамоа Чемпионлар лигасида ўтган йилги муваффақиятини такрорлай олмаган бўлса-да, 2010 йилдан буён илк бор ички мусобақаларда «олтин дубль»ни расмийлаштирди.

«Мен Кивуни ўз акамдек биламан ва ундан айнан шундай натижаларни кутгандим. Кристиан жуда ақлли инсон ва у бундай катта чақириққа тайёр эканини билардим. Кўпчилик унинг тажрибаси етарли эмаслигини айтди, аммо у аввалроқ бизнинг ёшлар академиямизда ишлагани учун клубни жуда яхши билади. У ҳар бир матбуот анжуманида ақлли ва чуқур ўйланган жавоблар бериб, ҳар қандай босимни енгиб ўтди», — дея Фабрицио Романога берган интервьюсида таъкидлади Дзанетти.

Эслатиб ўтамиз, Кристиан Кивунинг «Интер» билан амалдаги шартномаси 2027 йилнинг ўрталарига қадар мўлжалланган.