«Inter» vise-prezidenti Xavyer Dzanetti Kristian Kivuning murabbiylik faoliyatiga yuqori baho berdi.

Milanning «Inter» klubi Kristian Kivu qo‘l ostidagi ilk mavsumidayoq A Seriya va Italiya Kubogi g‘olibiga aylandi. Ruminiyalik mutaxassis bir yil avval jamoani tark etgan Simone Indzagining o‘rnini egallagan edi. Garchi jamoa Chempionlar ligasida o‘tgan yilgi muvaffaqiyatini takrorlay olmagan bo‘lsa-da, 2010 yildan buyon ilk bor ichki musobaqalarda «oltin dubl»ni rasmiylashtirdi.

«Men Kivuni o‘z akamdek bilaman va undan aynan shunday natijalarni kutgandim. Kristian juda aqlli inson va u bunday katta chaqiriqqa tayyor ekanini bilardim. Ko‘pchilik uning tajribasi yetarli emasligini aytdi, ammo u avvalroq bizning yoshlar akademiyamizda ishlagani uchun klubni juda yaxshi biladi. U har bir matbuot anjumanida aqlli va chuqur o‘ylangan javoblar berib, har qanday bosimni yengib o‘tdi», — deya Fabrisio Romanoga bergan intervyusida ta’kidladi Dzanetti.

Eslatib o‘tamiz, Kristian Kivuning «Inter» bilan amaldagi shartnomasi 2027 yilning o‘rtalariga qadar mo‘ljallangan.