Франция терма жамоасининг собиқ ярим ҳимоячиси Эммануэль Пети «ПСЖ» клубига худбин футболчилардан қутулиш фойда келтирганини таъкидлади.

Парижликлар Чемпионлар лигаси финалида «Арсенал»ни мағлуб этиб (1:1, пенальтилар бўйича — 4:3), кетма-кет иккинчи бор мусобақа ғолибига айланишди.

«Футбол — бу индивидуал талант эвазига юксаладиган жамоавий ўзини намоён қилиш санъатидир. Кўриб турибмизки, барча «эго»лардан халос бўлганидан кейин бу жамоа эркинликка эришди.

Футболчиларнинг ўз имкониятларини кўрсата олишаётгани, Луис Энрике туфайли уларда ўзига бўлган ишонч ва ўзига нисбатан ҳалоллик пайдо бўлгани билан боғлиқ. Бу уларнинг ўйинида яққол кўзга ташланмоқда.

Аммо жамоага яна ўринсиз худбинликни қайтарсангиз, бу механизм тўсатдан бузилади. Луис Энрике келиши билан биринчи навбатда айнан шу ишни қилган эди ва бу кўплаб футболчилар учун эркинлик тақдим этди», — деди Пети.