Германия терма жамоаси Финляндияга қарши кечган ўртоқлик ўйинида 4:0 ҳисобида ғалаба қозонди.
Дениз Ундав учрашувда дубль қайд этди. 29 ёшли ҳужумчи 34 ва 57-дақиқаларда гол урди. Шунингдек, унинг узатмасидан сўнг 48-дақиқада Флориан Вирц рақиб дарвозасини ишғол қилди. Яна бир гол Жамал Мусиала ҳисобига ёзилди (63-дақиқа).
Германия терма жамоаси ЖЧ-2026 турнирида иштирок этади. Юлиан Нагельсманн шогирдлари "E" гуруҳидан жой олган бўлиб, Кюрасао, Кот-д'Ивуар ва Эквадор жамоаларига қарши баҳс олиб боришади.













