«Арсенал» ҳимоячиси Вильям Салиба ижтимоий тармоқларда пост қолдирди. Шанба куни жамоа Чемпионлар лигаси финалида «ПСЖ»га имкониятни бой берди, якшанба куни эса 22 йиллик танаффусдан кейин қўлга киритилган чемпионлик унвони шарафига ўтказилган парадда иштирок этди. Салиба параддан бир нечта суратларни, шунингдек, кумуш медаль билан Чемпионлар лигаси кубоги ёнидан ўтиб кетаётган суратини жойлаштирди.

«Биз биргина лаҳза бутун йўлимизни белгилаб қўйишига йўл қўймаймиз. Бу мавсум биз биргаликда қанчалик олдинга силжиганимизни кўрсатди: меҳнат, ишонч ва бирдамлик. 22 йилдан сўнг биз чемпионлик унвонини унга муносиб бўлган жойга — ўзимизга қайтардик. Келаси мавсумни янада кучлироқ ва ғалабага чанқоқ ҳолда бошлаймиз. Биз каттароқ мақсадлар сари олға борамиз», — деб ёзди Салиба.

Эслатиб ўтамиз, Чемпионлар лигаси финалида «Арсенал» пенальтилар сериясида «ПСЖ»га мағлуб бўлди.