Нуфузли «Goal» портали экспертлари 2026 йилги жаҳон чемпионати якунлари бўйича «Олтин бутса» совринини қўлга киритишга энг асосий даъвогарлар рейтингини тақдим этишди. Бу соврин турнирнинг энг яхши тўпурарига топширилади.

Рейтинг чўққисидан Англия терма жамоаси ҳужумчиси Харри Кейн жой олди. У мундиалнинг энг яхши тўпурари бўлишга энг асосий даъвогар деб ҳисобланмоқда. Иккинчи ўринда Франция терма жамоаси вакили Килиан Мбаппе бормоқда. Кучли учликни Норвегия терма жамоаси ҳужумчиси Эрлинг Холанд якунлаб берди.

Топ-10 ликнинг кейинги ўринларидан қуйидагилар жой олган: Микель Оярсабаль (Испания), Лионель Месси (Аргентина), Криштиану Роналду (Португалия), Хулиан Альварес (Аргентина), Винисиус Жуниор (Бразилия), Луис Диас (Колумбия) ва Фоларин Балогун (АҚШ).

Жаҳон чемпионати 11 июнь куни старт олади.