Лондоннинг «Арсенал» клуби ёзги трансфер ойнаси давомида уч нафар футболчини таркибига қўшиб олишни режалаштирмоқда. Бу ҳақда журналист Фабрицио Романо хабар берди.

Манба маълумотига кўра, клуб юқори савиядаги вингер, ярим ҳимоячи ва ўнг қанот ҳимоячисини харид қилишни мақсад қилган. Шунингдек, «тўпчилар» уч нафардан кўпроқ футболчини ҳам сотиб олиши мумкинлиги, аммо бу айрим ўйинчиларнинг жамоани тарк этишига ҳам боғлиқ экани таъкидланган.

Микель Артета бошчилигидаги жамоа ўтган мавсумда Англия Премьер-лигаси чемпионлигини қўлга киритди. Шунингдек, «Арсенал» Чемпионлар лигаси финалигача етиб борди ва ҳал қилувчи баҳсда Франциянинг «ПСЖ» жамоасига (1:1, пенальтилар сериясида 3:4) мағлуб бўлди.

Аввалроқ «Арсенал» ва «Манчестер Юнайтед» «Милан» вингери Рафаэл Леау учун кураш олиб бориши ҳақида хабарлар тарқалган эди.