«РБ Лейпциг» ярим ҳимоячиси Кристоф Баумгартнер жароҳат туфайли Жаҳон чемпионатини ўтказиб юборади.

Австрия футбол иттифоқи матбуот хизмати хабар беришича, футболчи Тунисга қарши ўртоқлик ўйини (1:0) олдидан ўтказилган машғулот чоғида ўнг сон мушагидан жароҳат олган. Тиббий текширув Баумгартнернинг Жаҳон чемпионатида иштирок эта олмаслигини кўрсатган.

«Албатта, бу Кристоф ва терма жамоамиз учун қайғули хабар. У муҳим футболчи ва жамоамиздаги асосий фигуралардан бири эди. Айни пайтда биз унинг тикланиш жараёнида тўлиқ қўллаб-қувватлаяпмиз», — деди Австрия терма жамоаси бош мураббийи Ральф Рангник.