Португалия миллий терма жамоаси ҳимоячиси Рубен Диаш ЖЧ-2026 олдидан жамоанинг мотивацияси ҳақида гапириб, Криштиану Роналдунинг ўрни хусусида ҳам фикр билдирди, деб хабар бермоқда Sports.kz.

Футболчининг таъкидлашича, жаҳон чемпионати ҳар қандай ўйинчи орзу қиладиган энг нуфузли мусобақа ҳисобланади. Португалия терма жамоаси учун эса Роналду билан биргаликда ушбу трофейни қўлга киритиш қўшимча рағбат бўлиб хизмат қилмоқда.

«Жаҳон чемпионати — ҳар бир футболчи ютишни орзу қиладиган турнир. Бу Криштиану Роналду ва Португалия футболига етишмаётган соврин ҳисобланади. Шунинг учун бу биз учун қўшимча мотивациядир.

Биз учун Криштиану Роналдунинг орзусини рўёбга чиқаришга ёрдам бериш катта бахт бўлар эди. Буни ўзимиз, бутун Португалия ва оилаларимиз учун амалга оширишни истаймиз.

Бу қўшимча босим эмас, аксинча, жаҳон чемпионатида иштирок этиш ва у ерга ғалаба учун бориш истагимизни янада кучайтиради», — деди Диаш.

Эслатиб ўтамиз, Португалия терма жамоаси ЖЧ–2026нинг К гуруҳида Ўзбекистон, Конго ДР ва Колумбия терма жамоалари билан куч синашади.

41 ёшли Криштиану Роналду учун бўлажак мундиал фаолиятидаги олтинчи жаҳон чемпионати бўлади.