Нидерландиялик ҳужумчи Мемфис Депай анчадан бери Бразилияда тўп сурмоқда, у ерда «Коринтианс» шарафини ҳимоя қилади.
Шунга қарамай, бу ҳолат унга бўлажак жаҳон чемпионати учун Нидерландия терма жамоасидан таклиф олишга халақит бермади.
Шу тариқа, Депай рекорд ўрнатди — у Бразилия чемпионатида ўйнаб туриб, жаҳон чемпионатига чақирилган биринчи европалик футболчига айланди.
Эслатиб ўтамиз, Депай Бразилия чемпионатига 2024 йилда кўчиб ўтган эди. Унгача у «Барселона» ва «Манчестер Юнайтед» каби клублар сафида тўп сурган.
