«Манчестер Сити» клуби 2026 йилги жаҳон чемпионатида энг катта вакилликка эга бўлади. Бу ҳақда L’Equipe нашри хабар берди.

Маълум қилинишича, Англия Премьер-лигаси вакили бўлган клубдан жаҳон чемпионатига 19 нафар футболчи чақирилган. Бу эса турнир иштирокчилари орасидаги энг юқори кўрсаткич ҳисобланади.

Рейтингнинг юқори қисмида қуйидаги клублар ҳам жой олган:

«Бавария» — 18 нафар;
«Арсенал» ва «ПСЖ» — 16 нафардан;
«Барселона» — 14 нафар;
«Манчестер Юнайтед» ва «Кристал Пэлас» — 13 нафардан;
«Атлетико» — 12 нафар;
«Ал-Ҳилол», «Ал-Наср», «Боруссия» Дортмунд, «Галатасарой» ва «Ливерпуль» — 11 нафардан;
«Милан», ПСВ, «Реал», ва «Славия» — 10 нафардан.

2026 йилги жаҳон чемпионатида 48 та миллий терма жамоа иштирок этади. Уларнинг таркибига жами 1248 нафар футболчи жалб қилинган.

Мусобақа 11 июндан 19 июлгача АҚШ, Канада ва Мексикада бўлиб ўтади.

Аввалроқ Англия чемпионати ЖЧ-2026га чақирилган футболчилар сони бўйича барча лигалар орасида биринчи ўринни эгаллагани маълум қилинган эди.