«Manchester Siti» klubi 2026 yilgi jahon chempionatida eng katta vakillikka ega bo‘ladi. Bu haqda L’Equipe nashri xabar berdi.

Ma’lum qilinishicha, Angliya Premyer-ligasi vakili bo‘lgan klubdan jahon chempionatiga 19 nafar futbolchi chaqirilgan. Bu esa turnir ishtirokchilari orasidagi eng yuqori ko‘rsatkich hisoblanadi.

Reytingning yuqori qismida quyidagi klublar ham joy olgan:

«Bavariya» — 18 nafar;
«Arsenal» va «PSJ» — 16 nafardan;
«Barselona» — 14 nafar;
«Manchester Yunayted» va «Kristal Pelas» — 13 nafardan;
«Atletiko» — 12 nafar;
«Al-Hilol», «Al-Nasr», «Borussiya» Dortmund, «Galatasaroy» va «Liverpul» — 11 nafardan;
«Milan», PSV, «Real», va «Slaviya» — 10 nafardan.

2026 yilgi jahon chempionatida 48 ta milliy terma jamoa ishtirok etadi. Ularning tarkibiga jami 1248 nafar futbolchi jalb qilingan.

Musobaqa 11 iyundan 19 iyulgacha AQSH, Kanada va Meksikada bo‘lib o‘tadi.

Avvalroq Angliya chempionati JCH-2026ga chaqirilgan futbolchilar soni bo‘yicha barcha ligalar orasida birinchi o‘rinni egallagani ma’lum qilingan edi.