Ҳимоячи Маркиньос жорий ёзги трансфер ойнасида «ПСЖ»ни тарк этишни режалаштирмаяпти.
Журналист Абделлаҳ Булманинг хабар беришича, ОАВдаги миш-мишларга қарамай, бразилиялик футболчи кейинги мавсумда ҳам Париж клуби шарафини ҳимоя қилишда давом этишни истайди. Энди ҳаммаси янги марказий ҳимоячи излаётган парижликларнинг позициясига боғлиқ бўлиб турибди.
Маркиньос 2013 йилда «Рома»дан 31 миллион евро эвазига «ПСЖ»га ўтган эди. Унинг клуб билан амалдаги шартномаси 2028 йилнинг 30 июнига қадар мўлжалланган. 2025/26 йилги мавсумда бразилиялик футболчи парижликлар сафида барча мусобақаларда 33 та учрашув ўтказиб, иккита гол урди. Transfermarkt портали Маркиньоснинг нархини 28 миллион еврога баҳоламоқда.
