Леверкузеннинг «Байер» клуби Карлес Мартинес жамоанинг янги бош мураббийи этиб тайинланганини эълон қилди. 42 ёшли испаниялик мутахассис клуб билан 2028 йилнинг 30 июнига қадар мўлжалланган шартномага имзо чекди ва ўз вазифасини бажаришга 1 июлдан киришади.

Мураббийнинг сўнгги иш жойи Франциянинг «Тулуза» клуби бўлган эди ва у мавсум якунланганидан кейин ушбу жамоани тарк этди. Ортда қолган чемпионатда унинг қўл остидаги жамоа 9-ўринни эгаллади. Шунингдек, Мартинес фаолияти давомида Қувайт ёшлар терма жамоасида ҳам ишлаган.

«Байер» клубида у бир йиллик фаолиятдан сўнг жамоани тарк этаётган Каспер Юльманннинг ўрнини эгаллайди. Юльманн қўл остида леверкузенликлар Германия Кубоги ярим финалига ҳамда Чемпионлар Лигасининг 1/8 финалига қадар етиб боришган эди.

Клуб спорт директори Симон Рольфес Мартинеснинг клуб фалсафасига тўлиқ мос келишини таъкидлаб ўтди — у ёш футболчиларни ривожлантириш ва аниқ ўйин ғоясига эга бўлган жамоаларни шакллантириш бўйича катта тажрибага эга.