"Интер" бош мураббийи Кристиан Киву Алессандро Бастонининг келажаги ҳақида гапирди.
Аввалроқ 27 ёшли ҳимоячига "Барселона" ва "Реал" клублари томонидан қизиқиш бўлаётгани ҳақида хабар берилган эди.
"Бастони — бизнинг чемпионларимиздан бири. Унинг атрофида трансфер миш-мишлари юриши табиий ҳол — менинг фикримча, у дунёдаги энг яхши марказий ҳимоячилардан бири.
Мен Алессандронинг қандай инсон эканлигини биламан, лекин биринчи навбатда, унинг бизга нималар берганини, бераётганини ва келажакда нималар бера олишини биламан...", — деди Киву.
