«Реал» президентлигига номзод Энрике Рикельме сайловда ғалаба қозонган тақдирда жамоа бош мураббийи сифатида Юрген Клоппни кўришни исташини маълум қилди. Сайлов 7 июнь куни ўтказилади.
«Лойиҳамизда «Реал» бош мураббийи сифатида кўришни хоҳлаётган мутахассис — Юрген Клопп. Агар душанба куни сайловда ғалаба қозонсак, директоримиз Рауль Клопп билан боғланади», — деди Рикельме.
Унинг сўзларини журналист ва инсайдер Fabrizio Romano X ижтимоий тармоғида келтирган.
Президентлик сайловида икки номзод иштирок этади: амалдаги президент Флорентино Перес ва испаниялик бизнесмен Энрике Рикельме.
Юрген Клоппнинг сўнгги мураббийлик иш жойи «Ливерпуль» бўлган. У клубни 2015–2024 йиллар давомида бошқариб, Чемпионлар лигаси ва Англия чемпионлигини қўлга киритган. Ҳозирда Клопп Red Bull гуруҳида спорт директори лавозимида фаолият юритмоқда.













