«Барселона» вингери Ламин Ямал мавсум якунларига кўра Испания Ла Лигасининг энг яхши футболчиси деб топилди.

Ла Лигада мавсумнинг энг яхши ўйинчисига бериладиган ушбу мукофот 2008/2009 йилги мавсумда таъсис этилган эди. Қизиғи шундаки, Ямалга қадар Испаниядан чиққан бирорта ҳам футболчи бу совринга эга чиқа олмаганди.

Шу вақтгача мазкур мукофотни аргентиналик Лионель Месси (тўққиз марта), португалиялик Криштиану Роналду (бир марта), франциялик Антуан Гризманн (бир марта), франциялик Карим Бензема (икки марта), словениялик Ян Облак (бир марта), германиялик Марк-Андре тер Штеген (бир марта), англиялик Жуд Беллингем (бир марта) ва бразилиялик Рафинья (бир марта) қўлга киритишган эди.

Эслатиб ўтамиз, шу йилнинг май ойида «Барселона» кетма-кет иккинчи бор Испания чемпионлигини расмийлаштирган эди.