«Болонья» ва «Фиорентина» клубларининг собиқ бош мураббийи Винченцо Итальяно «Бешиктош»нинг янги устозига айланди. Бу ҳақда инсайдер Николо Скира хабар бермоқда.
Манбанинг маълум қилишича, 48 ёшли мутахассис турк клуби билан меҳнат шартномасини имзолаб бўлган. Томонлар ўртасидаги келишув 2028 йилга қадар мўлжалланган.
«Бешиктош» Туркия чемпионатининг ўтган мавсумини турнир жадвалида тўртинчи ўринда якунлаган эди. Жамоа 34 та учрашувда 60 очко жамғариб, кучли учликдан (совринли ўринлардан) уч очкога ортда қолди.
Маълумот учун: 2025 йилнинг январидан 2026 йилнинг июнига қадар «Бешиктош» бош мураббийи лавозимида туркиялик мутахассис Серген Ялчин фаолият юритган эди.
