«Bolonya» va «Fiorentina» klublarining sobiq bosh murabbiyi Vinchenso Italyano «Beshiktosh»ning yangi ustoziga aylandi. Bu haqda insayder Nikolo Skira xabar bermoqda.
Manbaning ma’lum qilishicha, 48 yoshli mutaxassis turk klubi bilan mehnat shartnomasini imzolab bo‘lgan. Tomonlar o‘rtasidagi kelishuv 2028 yilga qadar mo‘ljallangan.
«Beshiktosh» Turkiya chempionatining o‘tgan mavsumini turnir jadvalida to‘rtinchi o‘rinda yakunlagan edi. Jamoa 34 ta uchrashuvda 60 ochko jamg‘arib, kuchli uchlikdan (sovrinli o‘rinlardan) uch ochkoga ortda qoldi.
Ma’lumot uchun: 2025 yilning yanvaridan 2026 yilning iyuniga qadar «Beshiktosh» bosh murabbiyi lavozimida turkiyalik mutaxassis Sergen Yalchin faoliyat yuritgan edi.
