Португалия терма жамоаси устози Роберто Мартинес ярим ҳимоячи Бернарду Силванинг Каталониянинг «Барселона» клубидаги истиқболлари ҳақида фикр билдирди. Аввалроқ матбуотда «кўк-анорранглилар» футболчини таклиф қилишга қизиқиш билдираётгани ҳақида хабар берилган эди.
«Силва жуда кучли футболчи. Бернарду ҳар қандай жамоага киришиб кета олади ва бошқа мураббийнинг талабларига мослаша олади. Гап майдондаги позицияда эмас, балки унинг футболдаги IQ даражасида. Шунингдек, унинг техникаси даражасини ҳам алоҳида таъкидлаб ўтмоқчиман. Юқорида айтиб ўтилганларнинг барчаси унга ўйинда устунлик қилишга ёрдам беради», — дея Мартинеснинг сўзларини келтиради Mundo Deportivo.
Эслатиб ўтамиз, 31 ёшли португалиялик футболчи 2017 йилдан буён «Манчестер Сити» шарафини ҳимоя қилиб келаётган эди. Томонлар ўртасидаги меҳнат шартномаси муддати 2026 йилнинг июнь ойи охирида якунига етади.
