UFC собиқ чемпиони, ҳозирда Шон-шараф зали аъзоси ҳисобланган россиялик Хабиб Нурмагомедов ёшга бўлган муносабати ҳақида гапириб берди.
«Қариётганимдан хавотирланаманми? Тўғрисини айтсам, ҳа. Ҳар куни ёшингиз улғайиб бораверади. Ҳар йили… Мен энди ҳеч қачон 36 ёш бўлмайман. Ҳозир 37 ёшдаман, кейинги йил эса 38 га тўламан… Менимча, ҳамма бундан хавотирланади.
Якун қачон келишини ҳеч қачон била олмайсиз. Масалан, отам бор-йўғи 56 йил яшади. Унинг бобоси эса атиги 53 йил умр кўрган. Ваҳоланки, менинг бобом 84 йил яшаган. Ҳеч қачон била олмайсиз… Мен 37 ёшдаман, балки эртага охирги кунимдир.
Бу Аллоҳ бизга берган нарса. Ва биз буни қабул қилишимиз керак. Тушунишимиз лозим. Бу оддий инсон бўлиш ва ерга тушиш (камтар бўлиш) учун жуда яхши эслатма. Жуда яхши эслатма», — деди Нурмагомедов Sharjah Entrepreneurship Festival подкастида.
