UFC собиқ чемпиони, америкалик Макс Холлоуэйнинг фикрича, унинг рақиби ирландиялик Конор Макгрегор 11 июль куни Лас-Вегасда (АҚШ) бўлиб ўтадиган UFC 329 турниридаги реванш жанггига жуда жиддий ёндашмоқда.
«Кўпчилик Конор машғулотлар олиб бораётганига қарамай, барибир жанг қилмаса керак, деб айтмоқда… Лекин ижтимоий тармоқларга қараганда, у жуда диққатини жамлагандек кўринмоқда. Менимча, у жиддий кайфиятда. У спортни ҳақиқатдан ҳам соғинган ва қайтмоқчи деб ўйлайман», — деди Холлоуэй ўзининг YouTube-каналида.
Эслатиб ўтамиз, Макгрегор ва Холлоуэй ўртасидаги илк жанг 2013 йилнинг август ойида UFC Fight Night 26 турнири доирасида бўлиб ўтган ва унда ирландиялик спортчи уч раунд якунига кўра ҳакамларнинг бир овоздан берган қарори билан ғалаба қозонган эди.
