Клуб миқёсида Американинг «Интер Майами» жамоасида тўп сураётган Аргентина терма жамоасининг 38 ёшли ҳужумчиси Лионель Месси «Сан-Антонио Спёрс» клуби собиқ баскетболчиси Ману Джинобили ҳақидаги фикрлари билан ўртоқлашди.
«Мануни баскетбол оламининг Мессиси деб аташларини эшитиш жуда ёқимли. Бироқ аслида мени футболдаги Ману деб аташ тўғрироқ бўлади», — дея юлдузли ҳужумчининг сўзларини келтирмоқда ижтимоий тармоқлардаги «Polymarket Hoops» аккаунти.
Эслатиб ўтамиз, Месси 2023 йилнинг ёзидан буён «Интер Майами» шарафини ҳимоя қилиб келмоқда. Томонлар ўртасидаги амалдаги меҳнат шартномаси муддати 2028 йилнинг декабрь ойи охирида якунига етади. «Transfermarkt» портали экспертлари Лионель Мессининг бозор қийматини 15 миллион еврога баҳоламоқда.
