Украина терма жамоаси бош мураббийи Андреа Мальдера ўртоқлик учрашуви пайтида Дания миллий жамоаси ярим ҳимоячиси Кристиан Эриксен билан юз берган кўнгилсиз ҳодиса ҳақида гапирди. Хавбек майдонда ҳушини йўқотгани сабабли учрашув бекор қилинган эди.
«Ушбу воқеа содир бўлганидан кейин Дания терма жамоаси устози олдимга келди. Биз биргаликда ўйинни тўхтатишга қарор қилдик. Футболчиларнинг кўпчилиги йиғлаётган эди, шу боис баҳсни давом эттириб бўлмасди. Бундай лаҳзаларда эътиборни футболга қаратмаслик лозим», — деди италиялик мутахассис матбуот анжумани чоғида.
Эслатиб ўтамиз, иккинчи бўлим давомида Эриксен кўкрагини чангаллаганча майдонга йиқилган. Бироқ бир оз вақт ўтгач, футболчи ҳушига келган ва шифохонага етказилган.
