Ukraina terma jamoasi bosh murabbiyi Andrea Maldera o‘rtoqlik uchrashuvi paytida Daniya milliy jamoasi yarim himoyachisi Kristian Eriksen bilan yuz bergan ko‘ngilsiz hodisa haqida gapirdi. Xavbek maydonda hushini yo‘qotgani sababli uchrashuv bekor qilingan edi.
«Ushbu voqea sodir bo‘lganidan keyin Daniya terma jamoasi ustozi oldimga keldi. Biz birgalikda o‘yinni to‘xtatishga qaror qildik. Futbolchilarning ko‘pchiligi yig‘layotgan edi, shu bois bahsni davom ettirib bo‘lmasdi. Bunday lahzalarda e’tiborni futbolga qaratmaslik lozim», — dedi italiyalik mutaxassis matbuot anjumani chog‘ida.
Eslatib o‘tamiz, ikkinchi bo‘lim davomida Eriksen ko‘kragini changallagancha maydonga yiqilgan. Biroq bir oz vaqt o‘tgach, futbolchi hushiga kelgan va shifoxonaga yetkazilgan.
