Ивуарлик ярим ҳимоячи Франк Кессиэ анчадан буён илгари «Аталанта» ва «Милан» каби клублар сафида муваффақиятли тўп тепган Италия чемпионатига қайтиш режасини тузиб юрибди.
Агар аввалроқ унинг кейинги жамоаси сифатида «Рома» тилга олинган бўлса, ҳозирда Лучано Спаллетти бошқарувидаги Туриннинг «Ювентус» клуби кўпроқ номзод сифатида кўрилмоқда — Кессиэ айнан ушбу мутахассис қўл остида ўйнашни жуда хоҳламоқда, дея аниқлик киритмоқда derbyderbyderby.it нашри.
29 ёшли футболчи А Серияга қайтиш учун ҳатто маошининг сезиларли даражада камайишига ҳам рози. Айни дамда у Саудия Арабистонининг «Ал-Аҳли» клуби шарафини ҳимоя қилмоқда. Футболчи ушбу жамоага 2023 йилда, «Барселона»да ўтказган бир мавсумидан сўнг келиб қўшилган эди.
