Ivuarlik yarim himoyachi Frank Kessie anchadan buyon ilgari «Atalanta» va «Milan» kabi klublar safida muvaffaqiyatli to‘p tepgan Italiya chempionatiga qaytish rejasini tuzib yuribdi.
Agar avvalroq uning keyingi jamoasi sifatida «Roma» tilga olingan bo‘lsa, hozirda Luchano Spalletti boshqaruvidagi Turinning «Yuventus» klubi ko‘proq nomzod sifatida ko‘rilmoqda — Kessie aynan ushbu mutaxassis qo‘l ostida o‘ynashni juda xohlamoqda, deya aniqlik kiritmoqda derbyderbyderby.it nashri.
29 yoshli futbolchi A Seriyaga qaytish uchun hatto maoshining sezilarli darajada kamayishiga ham rozi. Ayni damda u Saudiya Arabistonining «Al-Ahli» klubi sharafini himoya qilmoqda. Futbolchi ushbu jamoaga 2023 yilda, «Barselona»da o‘tkazgan bir mavsumidan so‘ng kelib qo‘shilgan edi.
