Саудиянинг “Ал-Қодисия” клуби шарафини ҳимоя қилувчи Мексика терма жамоаси ҳужумчиси Хулиан Киньонес ЖАР терма жамоаси дарвозасига киритилган гол ҳақида ўз фикрларини билдирди. Футболчи 2:0 ҳисобида якунланган Жаҳон чемпионатининг очилиш учрашувида 9-дақиқадаёқ гол уришга муваффақ бўлди.
“Бундай муҳташам стадионда, ажойиб мухлислар қаршисида Жаҳон чемпионатидаги илк голимни урганимдан бахтиёрман ва ҳаяжондаман. Бизга дастлабки уч очкони қўлга киритишда ёрдам берган жамоадошларимнинг ҳиссасини алоҳида таъкидлашим муҳим. Сўнгги кунларда биз мухлисларнинг қўллаб-қувватлашини ҳис қилиб турдик. Биз бир жамоамиз ва бугун бу майдонда яққол кўринди”, — деди футболчи ФИФА расмий сайтига берган интервьюсида.
Якунда Киньонес ушбу учрашувнинг энг яхши футболчиси деб топилди.
