Saudiyaning “Al-Qodisiya” klubi sharafini himoya qiluvchi Meksika terma jamoasi hujumchisi Xulian Kinyones JAR terma jamoasi darvozasiga kiritilgan gol haqida o‘z fikrlarini bildirdi. Futbolchi 2:0 hisobida yakunlangan Jahon chempionatining ochilish uchrashuvida 9-daqiqadayoq gol urishga muvaffaq bo‘ldi.
“Bunday muhtasham stadionda, ajoyib muxlislar qarshisida Jahon chempionatidagi ilk golimni urganimdan baxtiyorman va hayajondaman. Bizga dastlabki uch ochkoni qo‘lga kiritishda yordam bergan jamoadoshlarimning hissasini alohida ta’kidlashim muhim. So‘nggi kunlarda biz muxlislarning qo‘llab-quvvatlashini his qilib turdik. Biz bir jamoamiz va bugun bu maydonda yaqqol ko‘rindi”, — dedi futbolchi FIFA rasmiy saytiga bergan intervyusida.
Yakunda Kinyones ushbu uchrashuvning eng yaxshi futbolchisi deb topildi.
