Мавсум якунларига кўра АПЛдан тушиб кетган Лондоннинг “Вест Хэм” клубининг икки нафар футболчиси ёзги трансфер ойнасида жамоасини ўзгартириши мумкин.

FootMercato журналистларининг хабарига кўра, ярим ҳимоячи Матеуш Фернандеш ва вингер Крисенсио Саммервилл Чемпионлар лигасининг амалдаги ғолиби — Франциянинг “ПСЖ” клуби қизиқишлар доирасига тушиб қолган. Париж гранди раҳбарияти ушбу ўйинчиларни сотиб олиш учун 130 миллион евро ажратишга тайёр.

Якунланган мавсумда Фернандеш 42 та учрашувда майдонга тушиб, 5 та гол урди ва 5 та голли узатмани амалга оширди. Саммервилл эса 34 та баҳсда 7 та гол ва 5 та самарали узатмани ўз ҳисобига ёздириб қўйди.