Mavsum yakunlariga ko‘ra APLdan tushib ketgan Londonning “Vest Xem” klubining ikki nafar futbolchisi yozgi transfer oynasida jamoasini o‘zgartirishi mumkin.
FootMercato jurnalistlarining xabariga ko‘ra, yarim himoyachi Mateush Fernandesh va vinger Krisensio Sammervill Chempionlar ligasining amaldagi g‘olibi — Fransiyaning “PSJ” klubi qiziqishlar doirasiga tushib qolgan. Parij grandi rahbariyati ushbu o‘yinchilarni sotib olish uchun 130 million yevro ajratishga tayyor.
Yakunlangan mavsumda Fernandesh 42 ta uchrashuvda maydonga tushib, 5 ta gol urdi va 5 ta golli uzatmani amalga oshirdi. Sammervill esa 34 ta bahsda 7 ta gol va 5 ta samarali uzatmani o‘z hisobiga yozdirib qo‘ydi.
