«Ливерпуль» раҳбарияти ёзги трансферлар ойнасида жамоа ҳимоя чизиғини кучайтирмоқчи.
Fichajes хабарига кўра, мерсисайдлик топ-клуб Италия терма жамоаси ва Миланнинг «Интер» клуби ҳимоячиси Алессандро Бастонига қизиқиш билдирмоқда. Потенциал келишув суммаси 70 миллион еврога баҳоланмоқда.
Бастони 2017 йилнинг ёзидан буён Милан гранди шарафини ҳимоя қилиб келади. Томонлар ўртасидаги амалдаги меҳнат шартномаси 2028 йил июнь ойи охирида якунига етади.
Италия чемпионатининг ўтган мавсумида Алессандро 28 та учрашувда майдонга тушди. Ҳимоячи битта гол урди, тўртта голли узатмани амалга оширди ва олтита сариқ карточка олди.
