Машҳур испаниялик мутахассис Хулен Лопетеги Қатар миллий терма жамоаси бош мураббийи лавозимини эгаллаш қарорини тушунтирди.
«Мени ва мураббийлар штабимни доимо қийин вазифалар руҳлантиради. Дастлаб биз жамоани мундиалга чиқиш учун ўтказиладиган плей-офф ўйинларига олиб чиқишимиз керак эди. Ўша пайтда Қатар футболи ҳақида кам маълумотга эга эдик, шунинг учун тезда ўрганишга тўғри келди. Ва биз бунинг уддасидан чиқдик», — дея мураббийнинг сўзларини келтиради AS нашри.
2026 йилги Жаҳон чемпионатида Қатар терма жамоаси Швейцария, Канада ва Босния ва Герцеговина миллий жамоалари билан бир гуруҳдан жой олди. Биринчи турда Лопетеги шогирдлари швейцариялик футболчиларга қарши майдонга тушади. Ўйин 13 июнь куни бўлиб ўтади.
