Франция терма жамоаси ҳужум чизиғи етакчиси Килиан Мбаппе миллий жамоанинг таянч ярим ҳимоячиси Н’Голо Канте ҳақида ўз фикрини билдирди.
«Канте ҳамон бир нечта футболчининг ўрнига югуришда давом этмоқда. У 64 ёшга тўлгунига қадар тўп суриши мумкин. Н’Голо ўз ишини юқори сифатда бажаришда давом этмоқда. Йиллар ўтмоқда, аммо мен бу футболчининг ўйинида қариш аломатларини сезмаяпман», — дея юлдузли ҳужумчининг сўзларини келтиради Lequipe нашри.
Маълумот учун, 35 ёшли ярим ҳимоячи «учранглилар» сафида 69 та учрашув ўтказган. Канте ушбу ўйинларда иккита гол урган ва учта голли узатмани амалга оширган.
