Бразилия терма жамоаси собиқ ҳужумчиси Роналдо жамоанинг ЖЧ-2026 даги имкониятлари ҳақида ўз фикрлари билан ўртоқлашди. Гуруҳ босқичида жамоа Марокаш, Гаити ва Шотландия терма жамоаларига қарши баҳс олиб боради.
«Бизда дунёдаги энг яхши футболчилар ва барча даврларнинг энг кучли мураббийларидан бири бор. Мухлислар ҳам муваффақиятга ишонишлари керак. Бу йўл осон бўлмайди, лекин имконсиз ҳам эмас.
Биз буни беш марта уддалаганмиз. Ва яна уддалай оламиз. Ўша бешта ҳолатнинг бирортасида ҳам бразилияликлар бунга ҳақиқатдан ишонишмаган эди. Улар ғалабани нишонлаш орқали кейинроқ ҳаммасини оқлашни афзал кўришади.
Карло Анчелотти Неймарни таркибга киритиб, жуда тўғри қарор қабул қилди. У ҳал қилувчи паллада ўз ҳиссасини қўша олади. Унда биз усиз яшай олмайдиган иқтидор ва даҳолик бор. У майдонга бор-йўғи 20 дақиқага тушса ҳам, ўйин тақдирини ўзгартириб юбора олади», — деди Роналдо.
