Машҳур телебошловчи Дмитрий Губерниев Ўзбекистон терма жамоаси 2026 йилги мундиалда гуруҳдан чиқиш имкониятига эга эканига ишонч билдирди.
«Бундан ҳам ортиғи, менимча, улар мундиал финалида ўйнашлари ҳам мумкин — ҳамма нарса бўлиши мумкин. Шахсан мен ушбу терма жамоага мухлислик қиламан. Финалда Ўзбекистон — Нидерландия учрашувини кутяпман», — дея таниқли шарҳловчининг сўзларини келтиради «РБ Спорт» портали.
Таъкидлаш жоизки, Ўзбекистон терма жамоаси ўз тарихида илк бор жаҳон чемпионатининг финал босқичига йўл олди. Жамоа K гуруҳида Колумбия, Португалия ва Конго ДР терма жамоалари билан рақобатлашади.
Мундиалдаги илк учрашувини Ўзбекистон 18 июнь куни колумбияликларга қарши ўтказади.
