Германия терма жамоаси устози Юлиан Нагельсманн 40 ёшли дарвозабон Мануэль Нойернинг Жаҳон чемпионати – 2026 га қай даражада тайёр эканлигини баҳолади. Тажрибали голкипер мундиал олдидан болдир мушагидаги муаммолардан азият чекаётган эди.
«Мануэль турнирга яхши тайёрланган. Бунга менда ҳеч қандай шубҳа йўқ. Кундан-кунга унинг ҳолати яхшиланиб бормоқда. Биз Нойерга тўлиқ ишонамиз. У ўйнашга тайёр», - дея германиялик мутахассиснинг сўзларини келтиради Mundo Deportivo.
Жаҳон чемпионати гуруҳ босқичининг старт учрашувида Германия терма жамоаси Кюрасао миллий жамоаси билан тўқнаш келади. Баҳс бугун, 14 июнь куни бўлиб ўтади.
