Бразилия терма жамоаси ярим ҳимоячиси Бруно Гимараэс Жаҳон чемпионатининг старт учрашувида Марокашга қарши кечган ўйин (1:1) ҳақида фикр билдирди.
Учрашувдан сўнг футболчи майдон чимининг ҳолати бразилияликларга халақит берганини таъкидлади.
«Бу баҳона бўлмаслиги керак, лекин майдон жуда қуруқ эди. Биз унга кўникиб олгунимизча кўплаб узатмаларда хатога йўл қўйдик ва бу ўйиннинг бошланишини жуда қийинлаштириб юборди.
Бизнинг ўйин услубимиздан келиб чиқсак, бунчалик кўп пасда хато қилишга ҳаққимиз йўқ. Ўсишга эришишимиз керак, старт учрашувидаги босим ҳеч қачон осон бўлмайди», – деди Бруно Гимараэс Cazé TV эфирида.
