«Милан» устози Массимилиано Аллегри жамоага келиб қўшилган Кака ҳаиқда фикр билдирди.
«Унинг биринчи ўйинидан кўнглим тўлди. Шерикларини яхши тушуниб ҳаракат қилди. Шундай бўлишига қарамай, Кака жисмоний имкониятларини яхшилаш устида ишлаши керак.
Кака – ҳақиқий етакчи. У ўзига ишониши ва жамоадошларида ўзига бўлган ишончни уйғота олиши керак. Амелия унга сардорлик боғичини топширганимиздан хурсанд бўлди.
Кака билан чиқишиб кетиш жуда осон. У машғулотларда ҳам фаол иштирок этмоқда. У нималарга қодир эканини кўрсатиши учун ўзининг максимал даражасига кўтарилиб олиши керак. Бу учун қўлимдан келган барча ишни қилишга тайёрман»,- дейди мураббий.