«Ньюкасл» клубининг чап қанот ҳимоячиси Льюис Холл «Манчестер Юнайтед»нинг трансфер мақсадлари рўйхатида қолмоқда. Инсайдер Фабрицио Романонинг хабар беришича, сўнгги бир неча кун ичида «қизил иблислар» вакиллари 21 ёшли футболчининг атрофидаги инсонлар (агентлари) билан муҳокамалар ўтказишган.
Манкунианликларнинг қизиқиши жуда жиддий деб баҳоланмоқда — клуб раҳбарияти «қарғалар» аъзосининг қобилиятини жуда юқори баҳоламоқда.
Transfermarkt портали мутахассисларининг талқинига кўра, Льюис Холлнинг трансфер баҳоси 40 миллион еврони ташкил этади. «Челси» клуби тарбияланувчиси ҳисобланган футболчи якунланган мавсумда Эдди Хау бошчилигидаги жамоа сафида барча турнирларда 47 та учрашувда майдонга тушиб, 1 та гол ва 2 та голли узатмани ўз ҳисобига ёздириб қўйган.
