«Ньюкасл» клуби ярим ҳимоячиси Сандро Тоналининг «Манчестер Юнайтед»га ўтиш эҳтимоли жуда паст.

Transfer News Live нашри инсайдер Фабрицио Романога таяниб хабар беришича, «қизил иблислар» «қарғалар»нинг 26 ёшли юлдузини сотиб олиш фикридан воз кечишган. Бунга футболчи учун белгиланган трансфер нархининг ҳаддан ташқари юқори деб топилгани сабаб бўлган. Манкунианликлар раҳбарияти эътиборни молиявий жиҳатдан қулайроқ бўлган бошқа номзодларга қаратишга қарор қилди.

Қайд этилишича, Сандро Тонали ва Льюис Холлнинг трансферлари «МЮ»га умумий ҳисобда 140-150 миллион еврога тушиши мумкин эди. Шунга қарамай, италиялик футболчидан фарқли ўлароқ, англиялик чап қанот ҳимоячиси Холл ҳамон Манчестер грандининг қизиқишлар доирасида қолмоқда.

Ортда қолган мавсумда Тонали «Ньюкасл» сафида барча мусобақаларда 53 та ўйинда майдонга тушиб, 3 та гол урди ва 7 та голли узатмани амалга оширди.