«Челси» ҳужумчиси Лиам Делап «Эвертон» клубининг қизиқишлар доирасига тушиб қолди. 23 ёшли футболчи Лондондаги дебют мавсумида ўзини кўрсата олмади, шу сабабли орадан атиги бир йил ўтиб клубни тарк этиши мумкин.

Daily Mail нашрининг хабар беришича, «ирислар» ҳужумчи учун 30 миллион фунт стерлинг (тахминан 35 миллион евро) миқдорида таклиф тайёрламоқдалар. Ливерпулликлар бош мураббийи Дэвид Мойес англиялик футболчини жамоанинг устувор трансфер мақсадларидан бири деб ҳисоблайди.

Лиам Делапни сотиб олмоқчи бўлган клублар учун асосий муаммо — унинг трансфер нархи бўлиб турибди. «Челси» ўз ўйинчиси учун 40 миллион фунтдан (46 миллион евро) кўпроқ маблағ талаб қилмоқда. «Ипсвич»нинг собиқ юлдузига Премьер-лиганинг бошқа бир вакили — «Ньюкасл» клуби ҳам жиддий қизиқиш билдирмоқда.