«Chelsi» hujumchisi Liam Delap «Everton» klubining qiziqishlar doirasiga tushib qoldi. 23 yoshli futbolchi Londondagi debyut mavsumida o‘zini ko‘rsata olmadi, shu sababli oradan atigi bir yil o‘tib klubni tark etishi mumkin.

Daily Mail nashrining xabar berishicha, «irislar» hujumchi uchun 30 million funt sterling (taxminan 35 million yevro) miqdorida taklif tayyorlamoqdalar. Liverpulliklar bosh murabbiyi Devid Moyes angliyalik futbolchini jamoaning ustuvor transfer maqsadlaridan biri deb hisoblaydi.

Liam Delapni sotib olmoqchi bo‘lgan klublar uchun asosiy muammo — uning transfer narxi bo‘lib turibdi. «Chelsi» o‘z o‘yinchisi uchun 40 million funtdan (46 million yevro) ko‘proq mablag‘ talab qilmoqda. «Ipsvich»ning sobiq yulduziga Premyer-liganing boshqa bir vakili — «Nyukasl» klubi ham jiddiy qiziqish bildirmoqda.