Англиянинг «Ньюкасл» клуби бир вақтнинг ўзида асосий таркибнинг уч нафар муҳим футболчисини йўқотиши мумкин.
The Chronicle нашрига маълум бўлишича, «Ньюкасл» раҳбарияти шу ёзда қанот ҳимоячилари Льюис Холл ва Тино Ливраменто, шунингдек, ярим ҳимоячи Сандро Тоналини қўйиб юборишга тайёр. Клуб ўзининг молиявий ҳолатини барқарорлаштириш ва АПЛнинг янги SCR (молиявий барқарорлик) қоидаларига мувофиқ бўлиш учун ушбу қадамни ташлашга мажбур бўлмоқда. Шу билан бирга, футболчиларнинг ҳеч бири жамоани тарк этиш истагини очиқчасига билдирмаган.
Англия чемпионатининг якунланган мавсумини «Ньюкасл» турнир жадвалида 12-ўринда якунлади ва 38 турда 49 очко жамғарди. Янги мавсумда «ҳаккалар» еврокубокларда иштирок этишмайди.
