Франция терма жамоаси собиқ ярим ҳимоячиси Патрик Виейра Килиан Мбаппенинг ЖЧ-2026 мусобақасидаги роли ҳақида ўз фикрлари билан ўртоқлашди.
«Мбаппе тартибли ўйнаши ва жамоадошларига ёрдам бериши керак. У рақибга прессинг уюштиришда ва жамоа учун меҳнат қилишда бошқаларга ўрнак бўлиши лозим. Агар у буни уддалай олса, шерикларини ўз ортидан эргаштира олади ва бу унга яхши ўйин кўрсатиш имконини беради.
Топ-футболчилардан доим бутун бир мамлакатни ўз елкаларида олиб чиқишларини кутишади. Аммо ҳамма нарсани бир ўзим қила оламан деб ўйлаб, бу юкни ёлғиз кўтариш жуда қийин бўлади.
1998 йилги терма жамоамизда Зинедин Зидан бор эди, лекин шу билан бирга Дидье Дешам, Марсель Десайи ва Лоран Блан каби футболчилар ҳам бўлган. У ерда кўплаб буюк ўйинчилар йиғилган эди», – деди Патрик Виейра.
