Англия терма жамоаси ҳужумчиси Букайо Сака ЖЧ-2026 стартидаги Хорватияга қарши учрашув олдидан мухлисларни тинчлантиришга ҳаракат қилди. У соғлиғидаги муаммоларга қарамай, ўйинга тайёр эканлигини билдирди.
"Арсенал" ва Англия терма жамоаси тиббий штаби тикланишимга жуда яхши ёрдам беришди. Ҳозир ўзимни сўнгги ойлардагига қараганда анча яхши ҳис қиляпман, ўйнашга тайёрман", — дея футболчининг сўзларини келтиради Metro.
Журналистнинг ўзини 100 фоиз тайёр ҳис қиляптими-йўқми деган саволига Сака ижобий жавоб берди. Хорватларга қарши 17 июнь кунига белгиланган учрашув у учун миллий терма жамоа либосидаги 50-ўйинга айланиши мумкин.
