Жазоир терма жамоаси бош мураббийи Владимир Петкович Жаҳон чемпионати-2026 доирасидаги Аргентинага қарши старт ўйини ҳақида фикр билдирди. У рақибнинг салоҳиятини юқори баҳолади, бироқ Жазоир тенгма-тенг курашиш ниятида эканини таъкидлади.
«Биз Аргентинани жуда ҳурмат қиламиз. Улар асосий фаворитлардан бири ва амалдаги жаҳон чемпиони ҳисобланади. Аммо биз бу ерга шунчаки томошабин ролини ўйнаш учун эмас, балки рақобатбардош бўлиш учун келганмиз. Футболчилар тайёр», — дея Петковичнинг сўзларини келтиради La Nacion нашри.
«Жазоир яхши таассурот қолдиради деб умид қиламан. Жазоир халқида улкан энергия бор. Биз Аргентина терма жамоасига катта ҳурмат билан ёндашамиз, лекин майдонга орзу ва иштиёқ билан тушамиз. Ҳимояда жуда яхши ишлашимиз керак бўлади», — дея таъкидлади у.
